Quen somos?

FE Seguros é unha aseguradora de decesos. Fundada en 1924 en Vigo, esta compañía galega conta con máis de 95 anos de vida e máis de 150 oficinas repartidas por todo o territorio nacional.

Está especializada en decesos e o seu principal obxectivo é ofrecer un servizo íntegro de asistencia ás familias asegurando e acompañando nese momento tan difícil como é a perda dun ser querido.

Mediante un teléfono gratuíto (activo 24 horas e 365 días) aténdese de forma permanentemente aos asegurados en caso de que sufran calquera imprevisto. Ademais, dispón dunha importante flota de Unidades Móbiles de Atención (U.M.A.), que garante unha absoluta mobilidade para estar alí onde precisan os clientes.

Ofrécese un servizo personalizado adaptándose ás exixencias dun mercado cada vez máis competitivo, creando novas liñas de servizos -de aforro enerxético, saúde, ocio, cultura, asistencia dental e legal- sempre desenvolvendo unha política de xestión empresarial seria e eficaz.

A historia de XENERA remóntase ao ano 1896, cando os avogados Leoncio Comesaña e José Leiras foron pioneiros no abastecemento de electricidade na cidade de Tui (Pontevedra).

Baixo o nome de Compañía Eléctrica de Tui construíron unha central hidroeléctrica en Tebra, bautizada como “Miudiña”, que conseguiu prover de alumeado eléctrico ás casas dos personaxes máis influíntes da cidade por aquel entón e que con posteridade se convertería no que hoxe é XENERA Compañía Eléctrica.

XENERA é unha compañía de electricidade e gas, con máis de 40.000 clientes a nivel nacional, cuxa historia obriga a ter obxectivos a longo prazo e coñecemento total do mercado eléctrico. Caracterízase por unha visión nacional de crecemento, con centrais hidroeléctricas, fotovoltaicas e eólicas, así como varias distribuidoras e sedes, todo isto repartido por toda a xeografía española.

Actualmente XENERA é a maior comercializadora de capital 100% galego.